JOWOLI AN DA GIDUN YA XUFA : Par Abdoul Kisima TANDIA
Xaransuuge: JOWOLI
An da gidun ña xufa, na baane tiηa
An da jin ña guja, in da sinma in ma gaara
Baawo xoolixoore kaawa
NMaama Siranmadi ma in kuta
Saahelin hankaburen do i daga
A da dengomenenηen buuba
Xaami mullen xa na minna?
Foxullen su ga dunbu a ga xura
Duηaare ke ma mexe a ga fina
Jamaanun sikki ga da me raga
Gidu ku ra nta telle na an wara
Ti taaxanlensiraaxu ga rakuti xa naxa
Jikken ma bono, hari furtayun sun da teηa kinxenna
Leminun tere i xara, i wa an kanma na an taga
Dugutijeeri xa ña xera, Baari killen xura
Ganni, Bilibasi ña yugu saagon da sanga bera
Gelli a bire, an toxon bogu xura
Jowoli!
N ranta na an daaru ko na a ñama
Kayihayide do Maata tahunda
Gawudali do Doondu saxa
Jiinge do Awoyinaati teηera
Jowolixase da an ña deena
Debun debe !
Nma an maxankuton xenpa
Xa wasoye ma daga o da
Baabuwasayen yan fasu o da
Be ga da ku xottu bosi xo suukara
Taaxe ma daga an da xo fankama
Harbi, xa ri o na me raga
Abdulu Kisima Tanja(Alla ga na karafuren neema)